Gin-athag sang Iloilo Provincial Government nga indi sa tanan nga oras magahatag sang reward sa mga tawo nga makatudlo sa mga suspek sang nagakatabo nga krimen.
May kaangtanan ini sa insidente sa mall sa Pavia sang damlag lang kun sa diin P30 million ang balor sang nadula nga alahas kag kapin 500,000 ang nataban nga cash.
Sa interview sang Bombo Radyo kay Gov. Arthur Defensor Jr., iya ginpahayag nga ginmanduan na niya ang Iloilo Provincial Police Office nga imbestigaran sang maayo ang natabo nga insidente.
Suno kay Defensor, dako man ang iya pagsalig nga mahibalu-an sang mga kapulisan ang mga tikang agud nga madakop na ang mga suspek.
