BAROTAC NUEVO, ILOILO- Patay ang isa ka Grade 10 student matapos nagbitay gamit ang kalat sa Brgy. Lagubang, Barotac Nuevo, Iloilo.
Ang biktima amo si alyas Randy, 16 anyos, residente sang nasambit nga lugar.
Sa interview sang Bombo Radyo kay Police Executive Master Sergeant Glen Fortunes, Deputy Chief of Police sang Barotac Nuevo Municipal Police Station, iya ginpahayag nga nasapwan nalang sang iya pamilya nga nagabitay na ang biktima sa balayan sang ila kamalig.
Suno kay Fortunes, naggwa sa ila pagpangusisa nga ginbayaan sang iya nobya ang biktima nga posible rason sang iya pagpanginmatay.
Dugang pa sang natungdan, nakamuno pa ang solterito sa iya pamilya nga luyag sini magpanginmatay matapos ginbayaan sang iya nobya apang gindumdom sang pamilya nga nagalango-lango lang ini.
Nahibaluan nga antes nagpanginmatay ang biktima, nagpakita na ini sang senyales sa iya facebook account sang iya ginbayluhan sang lunsay duag itom ang iya profile photo.
