GUIMARAS – Bukas na para sa mga turista ang Isla sang Guimaras.
Sa exclusive interview sang Bombo Radyo kay Guimaras Vice Governor Atty. John Edward Gando, iya ginpahayag nga ang ginapasugtan lang nga magsulod nga mga turista amo ang mga pumuluyo sang Western Visayas.
Suno kay Gando, nagakadapat nga mag fill-up lang sang health declaration card kag inbound pass antes pasugtan nga makasakay sa sakayang pandagat patabok sa Guimaras
Nagakadapat sa gihapon suno kay Gando nga magsunod sa health protocol agud malikawan ang pagdamo sang COVID-19 cases sa isla.
Gin-athag man ni Gando nga tatlo lang ka mga pantalan ang pahanugutan nga magbukas sa diin ini ang ginalakipan sang Buenavista Wharf, Jordan Wharf kag RORO Wharf.
