Ginapasalig ni Iloilo City Mayor Jerry Trenas ang hayag nga pagpatuman sang Public Private Partnership sa pagkaayo sang duha ka merkado sa syudad sang Iloilo.
Sa interview sang Bombo Radyo kay Trenas, iya ginpahayag nga indi niya luyag nga may maapektuhan nga mga manugbaligya sa Iloilo Terminal Market kag Iloilo Central Market.
Suno kay Trenas, nakapatigayon na sang initial consultation ang Public Private Partnership Council sa mga market in charge kag vendors kag ginpamatian man ang ila sentemiyento.
Ginpahayag ni Treñas nga magapadayon ang konsultasyon agud nga may yara man sang partisipasyon ang verndors sa pagbalay sang Terms of Reference.
May yara sang team nga natuon sa Iloilo Terminal Markert, sa Iloilo Central Market, sa Waste Energy kag sa Slaughterhouse sa diin positibo naman ang feedback sang Public Private Partnership Council.
Nahibaluan nga kay-uhon ang naidalom nga bahin sang merkado nga igadumala sang Iloilo City Government samtang ang Public Private Partnership Council naman ang natuon sa pagdumala sang naibabaw nga panalgan.
