Sa baylo nga magsuksok sang high-heeled shoes kaangay sang ginasuksok sang kaangay niya nga beauty queens, nagdesisyon ang former Miss Grand Ukraine nga magsuksok na subong sang combat boots.
Si Anastasia Lenna amo ang 2015 representative sang Ukraine sa Miss Grand International beauty contest.
Sandig sa post sa iya nga Instagram account, nag-join ini sa military sang Ukraine agud batuan ang nagakatabo subong nga Russian invasion.
Sa isa sini ka latest post, ginpahayag ni Lenna nga: “Everyone who crosses the Ukrainian border with the intent to invade will be killed!”
May yara man sang gin-share nga laragway sang mga soldado nga nagalakat kaupod si Ukrainian President Zelensky.
Gintawag ni Lenna ang presidente nga “true and strong leader.”
Sang nag-umpisa ang pagsulod sang Russia sa Ukraine, nangin consistent man ang beauty queen sa pag-engganyo sang suporta kag pag-tipon sang donasyon para sa Ukrainian armed forces.
