Gin-ako ni Sen. Robin Padilla nga nasakitan ini kag naglain ang iya buot sang nahibaluan nga nadala sa ginpangalanan bilang co-perpetrators sang International Criminal Court ang iya mga kaupdanan sa minority nga sanday Sen. Christopher Bong Go kag Sen. Ronald Bato Dela Rosa.
Ginpabutyag man sang Senador nga gilayon niya nga gintawgan sanday Go kag Dela Rosa agud pamangkuton kun ano ang iya mahimo bangud handa ini nga magbulig kun kinahanglan.
Suno pa sa Senador, nakig-angot man ini sa minority floor leader nga si Senador Alan Peter Cayetano agud talakayon kun ano ang ila himuon, bangod sila ang una nga maapektuhan bilang minorya sa Senado.
Nagpanawagan man si Padilla sa gobyerno, nga indi dapat tugutan sang Pilipinas ang International Criminal Court nga dumalahan ang mga Pilipino.
