Kadam-an sa aton pamilyar sa duag green nga ginagamit bilang pampa-aslom sa linuto sa diin makit-an lamang ini sa ugsaran ukon sa gwa sang aton mga balay.
Ini amo ang iba nga nangin bantog sa maaslom sini nga sabor.
Suno kay Dr. Farrah Agustin-Bunch, magluwas nga epektibo ang iba bilang pampa-aslom sa mga linuto ilabi na sa paborito naton nga sinigang, manggaranon man ini sa vitamins B kag C, calcium, phosphorus, iron kag fiber.
Natukiban suno sa doktor nga ang extract ukon duga sang iba fruit, ang nagahatag sang madamo nga benepisyo sa ikaayong lawas.
Lakip na diri ang positibo nga epekto sa metabolic rate bangud sa manubo sini nga calorie content.
Pahayag ni Dr. Bunch, nagabulong man ang iba sa hypertension, ubo kag runny nose.
Sa mga may ubo, mahimo nga idugang ang duga sang iba fruit sa cough syrup.
Dugang pa sang doktor, laga-on lamang ang iba sa mainit nga tubig kag imnon ini sang maalabaab kada aga agud maangkon ang maayo nga ikaayong lawas kag mabulong ang iban pa nga balatian.
