Preparado na ang Iloilo City Police Office ukon ICPO sa ti-on sang State of the Nation Address ukon SONA ni President Ferdinand Marcos Jr. subong nga Lunes, Hulyo 28.
Suno kay ICPO Director Police Colonel Kim Legada, nagahimo na sila sang final inspection sa mga police personnel nga i-deploy para masiguro ang kalinong kag katawhay sa syudad, labi na sa ti-on sang mga rally.
Ginpa-athag pa ni Col. Legada nga may mga grupo nga may rally permit na, kag handa ang ICPO nga magresponde kun may kinahanglanon.
Ang preparasyon indi lang limitado sa Iloilo City kundi kabahin sang koordinado nga pagbantay sa bug-os nga Western Visayas region.
Nagpasalig siya nga padayon nila pagaprotektahan ang seguridad sang publiko.
