ILOILO CITY – Dismayado si Iloilo City Mayor Jerry Treñas sa nangin pahayag ni Business Permits and Licensing Office Head Mr. Norman Tabud limitado lang ang resources sang talatapan kag nagasalig lang ang mga ini sa mga taskforces sang Iloilo City government agud nga matumod ang mga negosyo sa syudad nga naga-operate nga wala sang permit.
Ini ang may kaangtanan sa pagtukib wala sang permit ang Malabanan Siphoning Services apisar madugay na ini nga naga-operate sa syudad sang Iloilo.
Sa interview sang Bombo Radyo kay Mayor Treñas, iya ginpahayag nga kun indi man lang masarangan sang mga epleyado sang Iloilo City Hall ang ila trabaho, mas maayo pa nga mag resign na lamang.
Suno kay Treñas, handa man ang Iloilo City Government nga mangita sang bag-o nga tawo nga magabulos sa mga empleyado nga indi kasarang sang ila trabaho.
Nagakadapat pahayag pa sang alkalde nga mangin creative ang mga empleyado sang gobyerno kag kun limitado sa mga resources, amg request lamang bangud handa man nga maghatag ang alkalde.
Kuntani dugang pa ni Treñas nga indi lang maghulat ang mga empleyado nga manduan sila sang ila dapat nga ubrahon.
