ILOILO CITY – May bag-o na nga pinuno ang Iloilo City District Engineering Office.
Ini ang kasunod sang mando ni Presidente Rodrigo Duterte nga magpatigayon sang reshuffle sa mga empleyado sang gobyerno.
Siya amo si Engineer Haydee Alunan nagikan sa 3rd Engineering District sa Kabankalan, Negros Occidental.
Si Alunan ang nagbulos kay Engr. Rodney Gustilo.
Suno kay Alunan, handa na siya nga magserbe kag batunon ang iya responsibilidad.
Nagpanugyan man siya sa tanan nga mga staff kag empleyado nga i-sentro ang pagpangalagad sa trabaho sa Diyos.
Sa subong, wala pa sang inisyal nga mga plano si Engr. Alunan kag magahiwat pa sang pagsinapol kag mga inspeksyon.
Matandaan nga 14 ka mga district engineers sa bilog nga pungsod ang gindismiss sa ila posisyon bangud sa ginaalegar kahilabtanan sa korapsyon.
Bangod sini, gin-reshuffle na ang mga district engineers sa bilog nga pungsod bilang kabahin sang kampanya batok sa korapsyon sa ahensya.
