Gina-propose sang Iloilo City Engineers Office sa Iloilo City Council ang P4.5 million nga budget para sa isa ka overpass sa Mandurriao, Iloilo City.
Sa interview sang Bombo Radyo kay Engineer Jonberlie Ladua, Project Engineer, Iloilo City Engineers Office, iya ginpahayag nga ang balor sang budget ang pagagamiton sa pagbutang sang atop, LED, kag tiles sang alagyan sang overpass.
Suno kay Ladua, estimated cost pa lang ang ginlatag nga budget kag kon maaprubahan ang funding, didto na kag masugod na sila sang pag-ubra sang program of works.
Gin-athag man sini nga sa tagsa ka scope sang work, may corresponding nga cost ukon balor lakip na diri ang scaffoldings, safety precaution, roof framing, steel works, kag electricial.
Ginpahayag man sang natungdan nga indi over price ang ila pag-estimate sang galastuhon bangud nagabase sila sa price list nga ginpahanugutan sang Commission on Audit (COA).
