ILOILO CITY – Nagpirma na ang Iloilo City sang kasugtanan sa British-Swedish multinational pharmaceutical kag biopharmaceutical company nga AstraZeneca agud magbakal sang COVID-19 vaccine.
Sa interview sang Bombo Radyo kay Iloilo City Mayor Jerry Treñas, iya ginpahayag nga matapos ang ginpatigayon nga legal review sang Multilateral Agreement, nakasugtan niya nga pirmahan ang pagbakal sang P600,000 doses sang COVID-19 vaccine.
Suno kay Treñas, ang nasambit nga bakuna ang para sa 300,000 nga residente ukon 60% sang populasyon ang Iloilo City nga equivalent sang total voters sang May 2019 elections.
Lakip sa mga nagpirma amo sanday AstraZeneca President Lotis Ramin, Department of Health Secretary Francisco Duque III, National Policy Against Covid-19 chief implementer kag vaccine czar Secretary Carlito Galvez Jr.
