ILOILO CITY- Ginkumpirma ni Iloilo 3rd District Rep. Lorenz Defensor nga isa ini sa mga nagboto pabor sa pagpasar sa Absolute Divorce Bill sa third and final reading sa kamara.
Sa plenary session kahapon nga amo ang ulihi nga adlaw sang second regular session sang 19th Congress, 126 ka mamalidha ang nagboto pabor sa House Bill No. 9349 ukon Absolute Divorce Bill, 109 ang nagboto para sa negative,kag 20 ang nag-abstain.
Sa interview sang Bombo Radyo kay Rep. Defensor, iya ginpahayag nga nagpabor siya sa hagna bangud nga indi lamang ini isa ka tikang nga makapagusto ang mag-asawa nga magdiborsyo.
Suno kay Defensor, may yara sa gihapon sang mga basehan agud maka-file sang diborsyo ang isa ka partido.
Pahayag ni Defensor, ang nagaeksister nga layi sa subong tuhoy sa annulment ang indi mapakamaayo sa mga mag-asawa nga may problema sa pag-updanay bangud nga ang mga grounds sa annulment ang kinahanglan nga mapamatud-an nga natabo ini antes sang kasal.
Dugang niya, may yara man subong sang legal separation apang limitado lamang ini sa pagseparar sang balay ukon hiligdaan kag indi mahatagan sang kahilwayan nga makasugod sang bag-o nga pangabuhi.
Sa idalom sang Absolute Divorce Act, pila sa mga grounds para sa absolute divorce amo ang masunod:
1.Pagpanakit ukon pagpang-abuso batok sa petitioner, common child, ukon child of the petitioner
2.Pisikal nga pagpanakit ukon moral pressure agud magtulod sapetitioner nga mag-ilis sang relihiyon ukon political affiliation
3.Pagtuyo sang respondent nga i- corrupt ukon piliton ang petitioner, common child, ukon child of the petitioner, nga magsulod sa prostitusyon
4.Drug addiction ukon pagpahubog kag pagsugal sang respondent
5.Homosexuality sang respondent kag iban pa
Positibo naman si Defensor nga mangin bukas ang senado para sa amo nga hagna.
Suno sa iya, mas progresibo ang bag-o nga senate president.
Nahibaluan nga sang damlag lang sang napilian si Senator Chiz Escudero bilang senate president matapos ginpahalin si Senator Migz Zubiri sa amo nga posisyon.
