Ginsapubliko sang social media influencer kag actress nga si Inka Magnaye nga nadulaan sang trabaho ang iya iloy matapos magdesisyon ang isa ka daku nga brand nga gamiton na lang ang artificial intelligence (AI) para sa voice-over.
Ang voice talent nga si Lindy Pellicer amo ang iloy sang nasambit nga content creator.
Sa iya Facebook post, ginpakita ni Inka ang screenshot sang ila istoryahanay sang iya iloy nga nagpaathag kaangot sa natabo.
“My heart breaks for all the artists and creatives,” suno kay Inka. Wala sini ginhingadlan kun ano ang “big brand” nga makatrabaho kuntani ni Lindy.
“Of course hindi ko naman irereveal kasi I also understand business decisions are made for the interest of the company, but we need to think about where our money goes,” dugang niya.
“Many years ago, I came across a quote that left an impact on me: Where you spend your money is a vote you cast toward the future you want. So big brands with money, I ask you: Is that the future you want? A world where numbers, codes, and programs syphon the earth’s resources and take opportunities from actual human beings?” pamangkot ni Inka.
“Sure, you save money. But the money you would have spent on the real people who would love to work with you will end up spending this money back on you anyway. We are your customers, too.”
Ginpahayag man sang content creator nga ang AI dapat isa lamang ka tool kag indi dapat mag-ilis sa talento sang mga tawo.
Suno sa iya, mabatyagan sang mga tawo kon AI ukon tawo ang naghimo sang voice-over, art kag music bangud para sa iya, kulang sa kabuhi ang ginahimo sang AI.
“AI VOs sound lifeless. AI art feels lifeless. AI music sounds lifeless. Why? Because AI is not alive. It can never replicate life. And we are slowly being backed into a dead world one prompt at a time,” dugang niya.
Gintapos ni Inka ang iya post paagi sa pag-imbitar sa mga brands nga i-hire ang iya iloy para sa voice-over jobs.#
