Wala sang nakita ang isa ka constitutional law expert nga bastante ukon mabug-at nga basehan agud ma- impeach si Presidente Ferdinand Marcos Jr.
Ini ang kasunod sang impeachment complaint nga ginpasaka sa kamara batok kay Presidente Marcos Jr. kaangot sa ginaalegar nga korapsiyon sa 2025 budget partikular na sa unprogrammed funds.
Sa interview sang Bombo Radyo kay Atty. Michael Yusingco, iya ginpahayag nga apisar may pagka-uyaya sa iya mga hulag ang presidente, wala siya sang nakita nga valid nga rason nga sa impeachment.
Suno kay Yusingco, wala man sa “timing” kag ulihi na ang amo nga complaint bangud manugtapos na ang termino ni Marcos.
Sa isyu naman nga scripted ang impeachment matapos naggwa nga sa kampo mismo sang presidente halin ang complaint, ginsiling ni Yusingco nga kinahanglan ini id-idon sang Secretary General sang kamara kag kun madeterminar nga ini ang para lang sa political tactics, dapat gilayon ini nga ibasura.
