Gin-utod ang performance sang P-pop sensation nga BINI kadungan sang 126th Independence Day festivities sa Quirino Grandstand sa Manila kagab-i para pasulabihon ang safety sang fans.
Naka-schedule ang performance sang grupo kasunod sang speech ni President Ferdinand Marcos Jr.
Matapos nakanta ang “Lagi”, nagpangabay na ang girl group sa fans nga mag-behave.
Ini matapos nanotisyaran nga may fan na nga nalipong bangud sa paggilinutok sang iban nga nagalantaw.
Naglala ang sitwasyon sang nakit-an nga nagsaka na ang iban nga fans sa poste kag barikada para malantaw sang maayo ang BINI.
Nagpahanumdom pa ang grupo sa fans nga magkalma bangud nabudlayan na ang security kag naghingyo man nga mag-isol bangud mas nagapalapit na ang mga ini sa entablado.
Bangud wala nagtawhay ang sitwasyon, gin-utod na lang ang performance.Nagpaathag man ang grupo sa isa ka post nga gina-una nila ang safety kag nagapangayo man sang paghangop sang tanan.
“Thank you to everyone who supported us tonight! However safety should always come first and we hope for your understanding. More chances to see each other real soon! We hope everyone gets home safely tonight. Thank you so much! Happy Independence Day,” statement sang grupo.
