Nagpahanumdom ang Land Transportation Office (LTO) Region VI sa publiko nga indi magpahapos kag indi magpadala-dala sa mga fixer kun may transaksyon sa ahensya.
Kasunod ini sang natabo sang damlag lang sa Barangay Tabuc Suba, Jaro, Iloilo City kun sa diin nadakpan ang isa ka fixer nga nagatanyag sang Certificate of Completion sang Theoretical Driving Course kabaylo sang P2,000.
Magluwas sa fixer, dakop man ang duha ka personnel sang Land Transportation Office-accredited driving school.
Requirement ang amo nga certificate agud nga mag-renew ukon mag-apply para sa bag-o nga driver s license.
Nagapangatubang ang mga suspek sang kaso nga falsification sa idalom sang Article 172 sang Revised Penal Code kag paglapas sa Republic Act 11032 ukon Ease of Doing Business Law ukon ang Anti-Red Tape Law.
Ginpasirado man ang LTO-accredited driving school kag gindagdagan sang 60-day suspension samtang padayon ang imbestigasyon.
Sa inteview sang Bombo Radyo kay Atty. Gaudioso Geduspan, assistant regional director sang LTO Region VI, iya ginpahayag nga sa baylo nga mag-agi sa fixer, mas maayo gid nga mag-agi sa lecture ang naga-apply agud nga madamo man sang matun-an.
