ILOILO CITY – Ginapanan-aw sang Bangko Sentral ng Pilipinas nga magapabilin sa 2.4 tubtub 3.2 percent ang Inflation subong nga Nobyembre.
Ang inflation amo ang pagtaas sa presyo sang goods kag services kaangay sang pagkaon, panapton, balay, recreation, kag pamasahe.
Suno kay Bangko Sentral ng Pilipinas Governor Benjamin Diokno, bangud sa bagyo, ang presyo sang bugas kag mga agricultural products ang nagtaas.
Ang pagtaas sang domestic oil prices ang isa man sa rason sang pagtaas sang inflation.
Samtang, ang presyo lang sang kuryente ang nagnubo.
Matandaan nga sang nagligad nga bulan, nagtaas man ang inflation partikular sang mga pagkaon kag non-alcoholic beverages.
