ILOILO CITY – Wala sang pag bag-o sa mga mandu ni Philippine National Police (PNP) Chief Director General Archie Francis Gamboa humalin sang siya ang nagpungko bilang OIC PNP Chief tubtob subong nga siya na ang may pinakamataas nga posisyon sa kapulisan.
Suno kay Gamboa, ang internal cleansing kag pagapabaskog sang kampanya batok sa iligal nga droga man sa gihapon ang iya nga prayoridad.
Una na nga ginpahayag ni Gamboa sang siya ang OIC PNP chief pa gid lamang, madamo siya sang ginpagwa nga mga mandu lakip na ang istrikto nga pagmonitor sa body mass index ukon BMI kag amo man ang pagdumili sa paghampang sang golf sa tion sang duty.
Sa record sang kapulisan, humalin sang July 2016 tubtob June 20, 2019, 2,400 ang napahalin sa serbisyo bangod sang administrative cases kag 422 ang na kakas sa pwesto bangod sang ila kaangtanan sa illegal drug operation.
