Iloilo City – Magapatigayon sang international health strike sa United Kingdom ang mga healthcare workers bwas, Pebrero 6.
Ini matapos ang panawagan sang mga unions kaangay sang mga nurses, ambulance workers, midwives, kag physiotherapists nga pataasan ang sweldo sang mga ini.
Suno kay Bombo Ramil Isogon, International Correspondent sa United Kingdom, iya ginpahayag nga ini ang pinakadako nga health strike bangud lakip diri ang masobra 300,000 nga mga healthcare workers.
Matandaan nga nagpanawagan ang Royal College of Nursing sa gobyerno nga pataasan ang sweldo sang mga healthcare workers sa 19%.
Gin-ako naman sang gobyerno sang United Kingdom, indi ini makasarang nga pataason ang sweldo bangud masami ini nga ginadesisyunan sang independent pay review bodies.
Ginalauman nga magalawig ang protesta tubtob sa Pebrero 24.
