Nagmandu na si Iloilo Police Provincial Office (IPPO) director Pol. Col. Ronaldo Palomo nga tumuron na ang mga lugar sa probinsya nga ginalauman nga may mainit nga sitwasyon sa nagahilapit nga Barangay and Sangguniang Kabataan elections (BSKE).
Sa interview sang Bombo Radyo kay Police Major Rolando Araño, spokesperson sang IPPO, iya ginpahayag nga target sang IPPO nga matapos ang eleksyon nga wala sang election-related incidents sa probinsya.
Base sa Commission on Elections (Comelec), maga-umpisa ang filing sang certificates of candidacy halin sa Hulyo 3-7.
Ang election period naman ang maga-umpisa sa Hulyo 3 tubtub sa Nobyembre 14.
Ginsaad man nga ang campaign period ang magaumpisa sa Oktubre 19-28.
Sa tion sang election period, masami nga ginadumilian ang pagdala sang armas, pagbaligya sang makahulubog nga ilimnon, paggamit sang security personnel, vote-buying kag vote-selling. ##
