Nakalabay sa una nga kahigayunan ang isa ka indi Iranian nga oil tanker sa Strait of Hormuz halin sang nag-umpisa ang gyera sa tunga sang Iran kag Estados Unidos.
Ang ini nga tanker may flag sang Gabon nga isa ka pungsod sa Central Africa, nga nahamtang malapit sa Atlantic Ocean.
Naglabay ini sa Strait of Hormuz nga may karga nga langis nga naga-lab-ot sa 7,000 ka tonelada halin sa United Arab Emirates.
Padulong ini sa Aegis Pipavav sa India suno sa maritime monitor.
Kun lantawon ang traffic sa Strait of Hormuz, gamay pa gid lamang ang nakalabay halin sang nagsugtanay ang US kag ang Iran sa duha ka semana nga ceasefire.
Sa report sang state-run news agency sang Russia, nagsiling ang Iran nga dapat nga indi magsobra sa 15 ka barko kada adlaw ang magalabay sa amo nga Strait.
