Nagahilapit na ang beterana nga 6-foot-5 middle blocker nga si Jaja Santiago sa iya handum nga makahampang sa Olympics matapos nga natapos na sini ang proseso para sa iya nga Japanese citizenship.
Bilang isa na ka Japanese national, tawgon na si Jaja bilang si Sachi Minowa.
Ginpahayag sini nga indi mahapos nga desisyon nga islan ang iya nationality apang madamo sang mga sakripisyo nga himuon para sa katumanan sang handum.
“Changing one’s nationality is not an easy decision. It requires many sacrifices to achieve your dream. There are people who will support you, but there are also those who may not understand your decision,” pahayag sini sa isa ka post, Agusto 17.
“However, this is for my dream, because we are not getting any younger, and we don’t know how long we’ll be in this field. The only thing I know is that I will do everything for my family, my dream, and for the people who support me and believe in the talent that God has given me.”
Nahibaluan nga halin sang 2019, nagahampang na si Santiago sa Japan V. League.
Una sini gin-anunsyo sang 2023 nga gina-proseso na ang iya naturalization kasunod man sang iya pagpakasal kay coach Taka Minowa nga amo ang head coach sang Akari Chargers sa Premier Volleyball League kun sa diin isa anay si Santiago ka MVP kag champion.
Sang Marso naman sang nagsugod si Jaja sa paghanas kaupod sa Japanese national team para magpreparar sa Volleyball Nations League kag 2024 Paris Olympics.
Gin-athag sini nga bisan naangkon na sini ang Japanese citizenship, magapabilin siya nga Pilipina sa iya korason, dugo, kag paminsaron.
“Now that I have already obtained my Japanese citizenship, in my heart, blood, mind, and soul, I am always a Filipina who was born in the Philippines. And I will not forget that. My name is Alyja Daphne Santiago, now Minowa Sachi. I’m looking forward to your continued support.”
Katapusan nga naghampang si Jaja para sa national team sang Pilipinas sa 2022 Southeast Asian Games, kag natalana nga maghampang para sa JT Marvelous para sa second straight year kag ika-pito nga V.League season sa Japan.
