Magahatag ang Japan sang ¥70 billion ukon P28 billion sa Pilipinas agud mabuligan ang pondo sang Unified Package for Livelihoods, Industry, Food and Transport (UPLIFT) samtang nagapadayon nga tensyon sa Middle East nga rason sang pagsaka sang fuel prices kag pagtaas sang inflation.
Suno kay Japanese foreign ministry Secretary Toshihiro Kitamura, naghimo sang commitment si Prime Minister Sanae Takaichi tuhoy sa paghatag sang financial assistance kadungan sang Association of Southeast Asian Nations (ASEAN) summit.
Suno sa opisyal nga summary sang Tokyo sa ila pagtililipon, ginkumpirma ni President Bongbong Marcos kag Takaichi sang Nobyembre 16 ang ila kooperasyon nga mapabakod kag mapalig-on ang ekonomiya.
Suno pa kay Kitamura nga mangin importante man ang ini nga bulig sa Japan bangud sa masobra sa 1,800 ka mga Japanese company ang naga-operate sa Pilipinas.
Nahibaluan man nga nagapaidalum sa one-year national state of energy emergency ang Pilipinas samtang nagapadayon nga pagsaka sang presyo nga makaapekto sa lokal nga ekonomiya.
Madumduman nga ginpirmahan ni Marcos ang Executive Order No. 110 sang Marso agud nga malunsar ang UPLIFT nga isa ka relief program sang administrasyon nga may katuyuan nga maprotektahan ang publiko sa gulpyada nga pagsaka sang presyo.








