Nagapanghakroy na ang pila ka mga drivers bangud sa sunod-sunod nga pagtimbuok sang presyo sang produktong petrolyo.
Sa interview sang Bombo Radyo kay Robin Villaruz, driver sang jeep nga may ruta nga Leganes- Highway, iya ginpahayag nga tuman na kabudlay para sa ila ang pang-adlaw-adlaw nga pagpangabuhi bangud sa kamahal sang presyo sang gatong.
Suno kay Villaruz, haluson na sila makabakal sang ila kinahanglanon para sa ila pamilya bangud nagakadto na lang sa pagpatughong ang ila kita.
Pahayag pa niya, ini magluwas pa sa arkila sa salakyan nga ginabayaran nila adlaw-adlaw.
Suno sa iya, para sa isa ka driver nga wala na sang iban nga palangitan-an, tuman ka budlay ang ila sitwasyon subong.
Nagapangabay man ini nga kuntani makapatuman na sang pagsaka sa pletehan agud nga mabuhinan man ang pagpamigado sang mga ordinaryo nga drivers kaangay niya.
