Naghimo sang iya basketball comeback si Joe Devance matapos ang duha ka tuig nga pagpahuway.
Sa iya pagbalik, liwat ini nga magaupod sa Barangay Ginebra San Miguel Kings antes ang PBA Governors’ Cup quarterfinals.
Ang forward halin sa Escalante City, Negros Occidental, ang nag-anunsyo sang iya pagbalik sa Gin Kings paagi sa social media post kahapon sang hapon.
Ang pagbalik sang 42-anyos nga si Devance ang timing gid agud mapabaskog ang maluya nga frontline sang Gin Kings kasunod sang injuries nanday Jeremiah Gray, Jamie Malonzo, kag George Isaac Go.
Ang 6-foot-7 nga si Devance ang una na nagtapos sang iya 16-year PBA career sang June 2022, nga nagbiya sa professional league nga may 12 championships, sa idalom tanan ni Gin Kings head coach Tim Cone.
Ang Gin Kings magaatubang sa Meralco Bolts sa best-of-five quarterfinals umpisa sa Septyembre 27, sa Ninoy Aquino Stadium sa Manila.
