Sa kada pagsugod sang “ber” months sa Pilipinas, mabatian ang isa ka pamilyar kag iconic nga kanta nga ‘Christmas in Our Hearts’ sang Ilonggo singer-songwriter nga si Jose Mari Chan.

Apisar nga gin-release ini sadtong November 17, 1990, ini ang isa sa pinaka-paborito nga kanta sang mga Pilipino tubtub subong samtang ginaselebrar ang longest Christmas season sa bilog nga kalibutan.

“It has become a perennial favorite. It is loved by all Filipinos, young and old alike, all over the country. It is really indeed a blessing, and I am always grateful to God for His gift of life, His gift of family, His gift of music,” pahayag sang proud Ilonggo singer-songwriter.

Sa interview sang Bombo Radyo sa iya sang nangin recipient siya sang Diamond Lifetime Achievement Award kadungan sang selebrasyon sang Iloilo City Charter Day sang Agusto 25, 2023, ginpakigbahin ni Chan nga “last thing legacy” niya ang Christmas carols nga iya gin-compose kag gin-release.

“The Christmas Carols that I’ve composed and released will be my last thing legacy — that long after I am gone, I hope that people will remember my songs, my Christmas carols. Not necessarily Jose Mari Chan, but the Christmas carols,” dugang sini.

Nahibaluan nga antes pa man ang pagsugod sang “ber” season, gin-anunsyo na sang OPM living legend kag ginabansagan nga “Mr. Christmas” nga may palaabuton ini nga concert sa Disyembre.

Magabalik ang nasambit nga King of Philippine Christmas Carols sa Newport Performing Arts Theater sa Disyembre 12 sa konsyerto nga ginatawag “A Christmas With OPM Icons.”

RELATED ARTICLESMORE FROM AUTHOR