CHINA – Ginkumpirma sang China nga may yara na sang masobra sa 1,300 nga kaso sang asymptomatic coronavirus sa ila nga pungsod.
Narecord man sang mga health official sa China ang ika-labing una nga kaso sang Coronavirus Disease 2019 gikan sa luwas sang pungsod sa Wuhan nga epicenter sang nasambit nga virus.
Suno sa National Health Commission ginpaidalom na sa medical observation ang 1,367 ka mga asymptomatic patients.
Una na nga nagpahayag ang gobyerno sang China nga nagakadapat nga ipaidalom sa 14 ka adlaw nga centralized quarantine ang tanan nga pasyente nga asymptomatic lakip na ang mga naka close contact nila.
Magluwas sa China, may yara man sang kaso sang mga asymptomatic nga pasyente ang South Korea kag Japan.
Sa subong may yara na sang 81,554 nga kaso sang COVID-19 sa China sa diin 3,312 diri ang nagkalamatay nga kalabanan nagikan sa Wuhan kag iban pa nga lugar sa Hubei Province.
