LAMBUNAO, ILOILO – Naglab-ot na sa 30 ang nagpositibo sa Coronavirus Disease 2019 (COVID-19) sa Western Visayas.
Ini matapos nga nadugangan sang lima ang numero sang mga pasyente nga may COVID-19.
Santo sa bulletin sang Department of Health as of April 3, yari ang mga nagdugang sa listahan:
Ang Patient no. 26 amo ang isa ka 48 anyos nga lalaki gikan sa Bacolod City, may travel history sa Estados Unidos, may hypertension kag polymyositis, may close contact sa Patient no. 14 kag yara na sa estabale nga kondisyon.
Ang Patient no. 27 amo ang 39 anyos nga babayi halin sa Lambunao, Iloilo, asymptomatic, may close contact sa Patient no. 16 kag nagapaidalom sa home quarantine.
Ang Patient no. 28 amo ang 41 anyos nga lalaki gikan sa Lambunao, Iloilo, asymptomatic, may close contact sa Patient no. 16 kag nagapaidalom sa home quarantine.
Ang Patient no. 29 amo ang 70 anyos nga babayi gikan sa Lambunao, Iloilo, asymptomatic, may close contact sa Patient no. 16 kag nagapaidalom sa home quarantine.
Ang Patient no. 30 amo ang 48 anyos nga babayi gikan sa Lambunao, Iloilo, asymptomatic, may close contact sa Patient no. 16 kag nagapaidalom sa home quarantine.
Ginalauman na nga daan ni Mayor Reynor Gonzales nga magadugang ang numero sang pasyente nga may COVID-19 sa banwa sang Lambunao.
Sa interview sang Bombo Radyo kay Gonzales, iya ginpahayag nga ang apat ka pasyente ang naghalin lamang sa isa ka pamilya rason nga daku ang ila risgo nga malatnan sang virus gikan sa Patient no. 16 nga una na nga ginbawi-an sang kabuhi.
Sa subong suno kay Gonzales, nagapaidalom sa home quarantine ang apat ka pasyente nga nagapabilin nga asymptomatic.
Ginkordon ang barangay kun sa diin naga-istar ang nasambit nga mga pasyente.
