ILOILO CITY – Nagsaka sa 40 ang kabug-usan nga kumpirmado nga kaso sang Coronavirus Disease 2019 (COVID-19) sa Western Visayas.
Ginkumpirma ni Dr. Mary Ann Sta. Lucia, tagpamaba sang Department of Health 6, nga isa ang nagdugang sa listahan sang kumpirmado nga kaso sang COVID-19.
Ini ang kasunod sang ginpaguwa nga COVID-19 test sa 52 ka pasyente kun sa diin isa ang nagpositibo sa nasambit nga virus.
Ang panibag-o nga kaso suno kay Sta. Lucia ang naghalin sa syudad sang Iloilo kun sa diin ang pasyente amo ang 44 anyos nga lalaki nga na-admit sa hospital.
May kaangtanan diri, naglab-ot naman sa anum ang naka recover samtang pito ang patay.
