Isa ka adlaw antes ang koronasyon sang bag-o nga Miss Universe Philippines, nagaguwa ang pangalan ni US-based host-actress Katrina Dimaranan nga amo ang top choice sang pageantologists sa pungsod.
Veteran beauty queen na si Katrina kag subong nagatiglawas sang Taguig City.
Nakoronahan siya bilang Binibining Pilipinas Tourism sang 2012 kag nag-first runner-up sa Miss Supranational 2018 pageant sang gintiglawas niya ang USA.
Sa mga top picks sang mga beterano nga pageant watchers, masami man nga nagapangaduha ang Cebuana beauty queen nga si Steffi Aberasturi.
Yara man masami sa top 5 ang actress-model nga si Maureen Wroblewitz sang Pangasinan, Victoria Vincent sang Cavite, kag Leren Mae Bautista sang Laguna.
Ang coronation ang patigayunon buwas sa gab-i sa Henann Resort Convention Center sa Panglao, Bohol.
Magabalik bilang host si KC Montero kag guest artists naman sanday Sam Concepcion kag Michael Pangilinan.488People Reached29Engagements.
22
