Ginkumpirma sang mag-asawa nga sanday Kiefer Ravena kag Diana Mackey nga magapakasal sila liwat sa El Nido, Palawan.
Suno pa sa newly-married couple, matabo ini sa Agusto ukon sa masunod na nga bulan.
Ginpahayag sang Ilonggo basketball star nga sa Palawan ang venue bangud didto niya nabatyagan nga si Diana na ang tawo nga para sa iya. Nagaplano ang duha nga magbalik kag iselebrar kun sa diin sila nag-umpisa, kag sini nga tion, kaupod na nila ang ila nga mga abyan.
“We’re gonna have one soon kasi nga in Palawan that’s where I really felt it, that she was gonna be the one,” suno kay Kiefer. “So we wanted to bring back and celebrate a good time in Palawan, in El Nido, with our friends over there in Angkla just to bring back and share how we all started and celebrate it with our friends.”
Oktubre 2024 sang na-engage ang duha kag nagpakasal sang Hunyo 2025.
Sang Marso, gin-anunsyo man sang couple nga ginapaabot na nila ang ila subang nga bata, apang isa ka semana matapos ang anunsyo, nahulugan si Diana.
“Shortly after announcing it, I think a week after announcing it or two weeks, we lost the baby, unfortunately, at seven weeks,” pahayag sang former beauty queen.
Apisar sini, ang pinakamaayo para sa mag-asawa amo nga yara sa mayo nga kondisyon ang ikaayong-lawas sang iya misis.
“But you know God’s plan, God’s timing, best thing siguro that happened is now she’s healthy. Hopefully, with God’s grace, we could try again and see where it takes us.”#
