Ginpabati-batian ni Cavite 4th District Rep. Kiko Barzaga ang iban nga kongresista nga may personal nga mga isyu apang wala man ginpasakaan sang ethics complaint sa Kamara.
“Yung ibang congressman nga, nahuhuling may kabit pero ‘di sila nae-ethics complaint eh,” pahayag ni Barzaga kasunod sang gindagdag sa iya sang Ethics Committee sang House of Representatives nga 60 ka adlaw nga suspension.
Ini nga penalidad ang kaangot sa ginapahayag nga disorderly behavior sang kongresista bangud sa iya nga social media posts.
“Personally speaking, the suspension does not truly negatively affect me. It mostly negatively affects the institution as a whole because people are losing trust in Congress and this would decrease the trust in Congress even more,” suno kay Barzaga.
Kahapon, 249 ka mga mamalidha ang nagboto pabor sa desisyon, lima ang negative, kag isa ang nag-abstain.
Sandig kay House Ethics Committee chairperson 4Ps party-list Rep. JC Abalos, magluwas sa 60-day suspension, wala man sang sweldo si Barzaga kag wala sang allowances sa sulod sang amo nga inadlaw. May ginlakip man nga warning nga pananglitan himuon pa sini liwat ang kaangay nga disorderly behavior, mangin mas malala ang pag-disiplina sa iya.
“His actions reflected negatively upon the dignity, integrity, and reputation of the House of Representatives as an institution of the members of the House individually and collectively. Consequently, the committee finds respondent, Rep. Kiko Barzaga of the 4th district of Cavite guilty of disorderly behavior by violating Sec. 141 (a) Rule 20 of the Rules of House of Representatives, 4(c) of RA 6713 or the Code of Conduct and Ethical Standards for Public Officials and Employees,” kabahin sang ginbasa ni Abalos sa plenary session kahapon.
Present sa plenaryo si Barzaga kahapon kag nagsiling nga ginabaton niya ang desisyon.
“I wholeheartedly accept the decision of the committee, but I maintain my stance that President Marcos must be held accountable for his crimes. Too many people have died, and too much money was plundered from the Filipino people for us to stand down now,” suno sa kongresista. “Whatever punishment may fall upon me and others who stand against this president, who has lost his constitutional mandate of serving the people is inconsequential in relation to the number of lives and futures that will be saved once President Marcos leaves the Malacañang.”
Nahibaluan nga ang ginpuntariya kay Barzaga amo ang ginaalegar paglapas sini sa Code of Conduct para sa public officials kag employees bangud sa posts sa iya nga Facebook page nga ginalaragway nga “inappropriate” kag wala nagatahod sa mga opisyal sang gobyerno.#
