Kun ang iban kinahanglan pa magpa-MRI ukon CT scan agud mahibaluan ang balatian, ang healing priest sa Albay nga si Father Momoy ginapahayag makatumod sang balatian pinaagi lang sa pagtulok sa isa ka indibidwal.
Suno kay Fr. Efren “Momoy” Borromeo, sang Society of Our Lady of Holy Trinity sa Sto. Domingo, Albay, lango-lango nga ginatawag siya sang mga tawo nga “MRI.”
Apang sa baylo nga ”magnetic resonance imaging” nga proseso agud matumod ang balatian sang isa ka tawo, “Momoy Resonance Imaging” naman ang tawag sa pari.
Sa tion nga yara siya sa healing mode, ginapahayag nga makit-an ni Fr. Momoy ang organ sang inidbidwal nga may balatian kalakip na ang heartbeat sini, uric acid sa mga veins kag arteries, kag mangin ang kidney kag iban pa.
Sa baylo man nga siya ang magpa-check up sa doktor, si Father Momoy mismo ang nagtumod sa balatian sang duha ka doktor niya nga abyan.
Apang ginapahayag nga indi lang balatian ang makit-an ni Fr. Momoy bangud mangin ang mga kalag makit-an kag gina-istorya man niya.
