ILOILO CITY – Limitahan sa 400 ang numero sang mga food kiosks nga mahimo ipatindog sa syudad sang Iloilo sa selebrasyon sang Dinagyang Festival 2020.
Sa interview sang Bombo Radyo kay Mr. Philip Chua, kiosk-in-charge sang Iloilo Festival Foundation Incorporated (IFFI), iya ginpahayag nga ini nga numero ang mas manubo ipanggid sa 1,500 ka mga kiosko sang nagligad nga Dinagyang.
Mas daku naman ang espasyo nga mahimo maakupar sang kada kiosk subong nga tuig kag ini ginapahayag nagadaku 2.5 x 1.5 meter.
Nagsaka naman ang balayran sa P5,000 sa tagsa ka kiosko sa sulod sang tatlo ka adlaw.
Ginalantaw man nga pahamtangan sang kiosks ang Aldeguer St., Iznart St., kag downtown triangle.
Suno kay Chua, ini agud mahatagan sang ligwa ang trapiko kag agud indi makompromisa ang kalidad sang mga baligya bangud lamang sa nagaginutok nga mga kiosko.
