Ginareklamo sang pila ka mga konsehal sa syudad sang Iloilo ang opisina sa City Hall Annex Building bangud sa pag-moist kag pag-molds sa kisame, nga ginpahayag nga posible naghalin sa leakage sang tubig sa pipelines.
Sa interview sang Bombo Radyo kay Councilor Sheen Marie Mabilog, iya ginpahayag nga wala pa sang problema sa kisame sang Disyembre, apang sang nagbalik sila, nakita nila nga naga-moist ini kag may molds na sa kisame.
Nagpadala na sila sang sulat sa City Engineers Office kag kay Mayor Raisa Treñas kag nagapangayo sila sang bulig agud mahatagan sang solusyon ang nasambit nga problema.
Ginreport man nga may ara sang leakage sa opisina ni Councilor Rex Sarabia kag sa opisina ni Vice Mayor Love-love Baronda amo man kay Councilor Nene De Llana nga opisina.
Nagapakita nga indi lang isa ka lugar ang apektado kundi madamo nga opisina sa building.
