Subong nga adlaw, Hulyo 19, natalana nga i-anunsyo sang Miss Universe Philippines Organization ang pangalan sang Top 100 ladies nga amo ang magapaindis-indis sa pinaka-prestihiyoso nga beauty pageant sa Pilipinas.
Patigayunon ang grand coronation sang Miss Universe Philippines 2021 pageant sa Septyembre 25.
Trending subong ang young actress nga si Kisses Delavin nga ginhuring-huring nga nagpasakop sa virtual interview sang amo nga beauty pageant.
Kumbinsido ang mga fans sang 22 anyos nga si Kisses nga masarangan sini nga mangin successor sang Ilongga beauty queen nga Miss Universe Philippines 2020 Rabiya Mateo.
Nahibaluan nga magluwas sa acting, kilala man si Kisses bilang Miss Masbate kag Miss Kaogma sang 2016.
Nangin Miss Teen Masbate man si Kisses sang tuig 2013.
