Balantayan alas otso subong nga aga, Mayo 20, ang Game 1 sang New York Knicks batok sa Cleveland Cavaliers sa Eastern Conference Finals.
Patigayunon ang hampang sa Madison Square Garden sa New York City.
Matandaan nga gin-sweep sang third-seeded nga Knicks ang Philadelphia 76ers sa semifinals kag nadag-an man nila ang pito ka sunod-sunod nga hampang sa 2026 NBA playoffs.
Ang fourth-seeded naman nga Cleveland amo ang naglutos sa top seeds nga Detroit Pistons sa series decider antes ini naka-abante sa Eastern Conference finals sa labing-una nga tion halin sang 2018.
Ini man ang una nga Conference Finals sang Cavaliers nga indi nila kaupod si LeBron James nga subong yara na sa Los Angeles Lakers.
Sa pihak nga bahin, gutom man ang Knicks ilabi na nga wala sila naka-agi sa pag-abante sa NBA Finals halin sang 1999 kag wala nakadaog sang kampyonato halin sang 1973.
