Ginkumpirma ni Queen of All Media Kris Aquino nga engaged na siya kay anay Department of Interior and Local Government (DILG) Secretary Mel Sarmiento!
Sa isa ka Instagram post, ginpasalamatan ni Kris si Mel nga gintawag man niya nga best friend bangud ginpalangga siya sini nga wala sang agenda.
Suno pa sa 50 anyos nga aktres, proud siya nga mangin Aquino apang looking forward na siya nga mangin Sarmiento.
Ginpasalamatan man ni Kris ang iya utod nga si former President Benigno “Noynoy” Aquino III nga amo ang iya ginkabig matchmaker in heaven.
Agusto subong nga tuig sang na-reveal ang identity sang mystery man ni Kris bangud nga nag-comment ini sa iya nga post.
Si Mel ang nagserbe nga DILG secretary halin 2015 tubtub 2016.
