Nagabakho ang mga construction worker sa pungsod sa nangin epekto sang flood control scandal sa sektor sang konstruksyon partikular na sa trabaho sang small-time laborers.
Lakip sa mga kabudlayan nga ginplastar amo ang pagpangita sang trabaho bangud nangin limitado na lamang ini subong sa pribado nga sektor.
Suno sa National Union of Building and Construction Workers, nag-partner na sila sa Department of Labor and Employment (DOLE) kag sa Technical Education And Skills Development Authority (TESDA) agud nga mabuligan ang ila nga sector nga makatuon sang dugang nga skills kaangay sang welding, scaffolding, kag safety officers’ training bisan sang limitado nga budget.
Una na nga ginpahayag sang rekord sang Philippine Statistics Authority (PSA) nga ang construction industry amo ang may pinakadaku nga pagnubo sa employment sang nagligad nga tuig.
Nagnubo ang numero sang workers sa 4.80 million sang December 2025 halin sa 5.35 million sang December 2024 ukon buot silingon may yara sang 550,000 job losses.
Gina-angot ini sang PSA sa natabo nga eskandalo sang 2025 nga naangot sa flood control corruption.#
Photo: JOHN RYAN BALDEMOR
