Napilasan sa liog ang isa ka construction worker matapos gin-gulgulan sang iya man kaupod matapos nanghukirap sa Sitio Moning, Barangay Cabadiangan, Sipalay City.
Ang biktima amo si Mark Talaver, 37-anyos, residente sang Barangay 5, Sipalay City.
Ang suspek naman amo si Christopher Ma-alat, 26-anyos, residente sang Barangay Cabadiangan sa amo nga syudad.
Suno sa imbestigasyon, nag-ugat ang krimen matapos nagpanugid ang asawa sang suspek nga ginhurikap siya sang biktima.
Sang gab-i sang Enero 11 kun san-o natabo ang krimen, nagainom-inom sanday Talaver kag Ma-alat.
Didto na nagkuha ang suspek sang binangon kag gin-gulgulan ang biktima sa liog.
Matapos ang insidente, nagsungka man sa otoridad ang suspek.
Nadala naman sa balay- bululngan ang biktima kag yara na sa hilway nga kahimtangan.
