ILOILO CITY – Handa nga mag community service ang 24 anyos nga lalaki nga nadakpan nga nagapangpuksi sang sunflower sa Diversion Road, Mandurriao, Iloilo City.
Sa interview sang Bombo Radyo kay Alexis Nejana sang Brgy. Bolilao, Mandurriao, Iloilo City, iya ginpahayag nga naganyat lang siya sa matahum nga sunflower rason nga iya ini nga ginpuksi.
Suno kay Nejana, ang sunflower ang iya ihatag sa kahagugma kag bangud wala siya sang kwarta nga ibakal sang bulak, iya nga ginpuksi ang tanum nga kabahin sang Beautification program sang Iloilo City Government.
Ginpahayag ni Nejana nga nakahanda siya nga mag community service paagi sa pagtanum sang bulak bilang bayad sa iya nahimo nga sala.
Preso si Nejana sa Mandurriao Police Station.
