Wala na sang kabuhi sang masapwan ang driver sang motorsiklo matapos makabunggo sa pader sa Brgy. Cawayan, Carles, Iloilo.
Ang biktimar amo si Antonio Baclas Alfon Jr., 34-anyos, kag residente sang Brgy. Natividad, Pilar, Capiz.
Sa interview sang Bombo Radyo kay PMaj. Sonny Boy Garnace, hepe sang Carles Municipal Police Station (MPS), iya ginpahayag nga may nabaton sila nga report nga may nasapwan nga indibidwal nga posible nakabunggo sa pader samtang nagamaneho sang motorsiklo, apang aga na sang nareport bangud wala sang may nakakita sang nagluntad ang insidente.
Patal nga pilas sa ulo ang naagom sang driver sang motorsiklo nga posible gintunaan sang iya kamatayon.
Padayon naman ang imbestigasyon sang Carles MPS sa natabo nga aksidente.
