Mainit nga gin-abi-abi sang Filipino fans ang American pop-rock band nga LANY nga nagbalik sa Pilipinas para sa apat ka adlaw nga concert.
Una sa schedule sang banda ang Philippine Arena sa Bulacan.
Pasado alas syete sa gab-i, Oktubre 12, sang nagsugod sa pag-perform ang lead vocalist nga si Paul Jason Klein kag drummer nga si Jake Goss paagi sa hit song nga “you!”
Kasunod sang opening number, gin-perform man ang “ex i never had”, “It Even Rains in LA”, “I Pray”, “somewhere”, “care less”, kag “Congrats.” Todo-upod man sa pagkanta ang audience sa “I Don’t Wanna Love You Anymore”, “dancing in the kitchen”, “pink skies”, kag “Alonica.”
Ginkanta man sang banda ang “Out of My League” kaupod sa OPM singer nga si Maki.
Ang nangin highlights naman sang show amo ang ila performance sa “Super Far” kag “Mean It”.
Ang concert sang LANY sa Pilipinas ang kabahin sang Asian leg sang “A Beautiful Blur” world tour.
Kasunod sa Philippine Arena, magakadto man sila sa Cebu para sa tatlo ka adlaw nga concert.
Nag-partner ini sa kampanya sang Department of Tourism nga “Love The Philippines” agud nga mahatagan sang spotlight ang Cebu indi lamang bilang top tourist destination bangud sa ila rich historical heritage, vibrant culture, kag beautiful sceneries kundi bilang isa man ka preferred venue sa international concerts, music festivals, kag nightlife.
Ulihi nga naka-perform ang LANY sa Pilipinas sang 2022 sa five-day sold-out concert sa Mall of Asia Arena.
