Nag-angkon sang first kag second degree-burn ang isa ka lapsag matapos maliswahan sang mainit nga tubig sang iya nga yaya samtang ginapaliguan sa Bulacan.
Sa CCTV footage, makit-an nga ginpaliguan sang yaya ang lapsag pasado las-nueve sang aga sa sulod sang kasilyas.
Hinali lang nga nabatian ang paghilibion sang bata kag makaligad ang pila ka minute, naggwa na ang yaya kag ang bata.
Samtang yara sa sala, padayon ang paghibi sang bata.
Nahibaluan na lang sang iloy ang natabo sa anak sang hapon na sang nag-akon ang yaya.
Gilayon naman nga gindala sa ospital ang lapsag.
Matapos ang insidente, gilayon nga naghalin ang yaya kag wala na nagbalik.
Walo ka bulan pa lang sa pamilya ang yaya nga nakuha nila sa isa ka agency.
