Ginaimbestigaran na sang otoridad ang insidente sa Barangay Evangelista, Naujan, Oriental Mindoro kun sa diin gindeklarar nga patay ang isa ka lapsag apang nadiskubre nga buhi ini sa iya haya.
Suno sa impormasyon, na-admit ang isa ka nagabusong nga babaye sa Oriental Mindoro Provincial Hospital (OMPH) kag gindala sa delivery room.
Suno sa pamilya sang babaye, ginsiling sang doktor nga patay na ang lapsag matapos nga wala ini nakitaan sang pitik sang corazon.
Pagkasunod nga adlaw, samtang yara sa haya, naobserbahan sang isa ka himata nga nga nagapalamula ang panit sang bata kag may higko ini sa habol nga nagaputos sa iya.
Sang ginlantaw sang health worker, nadiskubre nga may pulso pa ang bata.
Gindala ini sa ospital kag nakumpirma nga buhi ini.
Apang sa malain nga palad, ginbawian gid ini sang kabuhi makaligad ang pila ka minutos.
Nagapadayon subong ang imbestigasyon angot sa insidente.
