Halos nawas-ag gid ang lawas sang isa ka assistant detachment commander sang Philippine Army matapos ginluthang gamit ang M16 sang isa ka CAFGU member sa Rodriguez, Rizal.
Ang biktima amo si alyas “Mark”, 35-anyos, katapo sang 80th Infantry Battalion, 21st Division sang Philippine Army.
Ang nagtiro nga suspek amo si alyas “Prince”, 27-anyos kag ang mga upod sini sang natabo ang insidente amo sanday alyas “Jorald”, 34 kag “Samuel”, 53, nga lunsay CAFGU Active Auxiliary (CAA) nga nakadestino sa detachment sang biktima.
Base sa imbestigasyon, antes ang krimen, ginsita sang biktima ang mga suspek nga nagapahubog.
Kasunod sini, samtang yara ang biktima kag sanday Jorald kag Samuel sa sulod sang kitchen area, nagsulod si Prince kag gintayaan sila sang pusil.
Ginpunggan sang biktima si Prince agud pakalmahon apang nangakig ini kag ginkuha ang M16 armalite kag gin-ubos paarak ang bilog nga magazine sa biktima.
Nahibaluan nga may yara na sang daan nga dumot ang mga suspek bangud sa masami pagsita sa ila nga pagpahubog.
Mangatubang naman ang mga arestado sang kaso nga murder kag illegal discharge of firearms.
