Nagbalik ang Filipina Broadway icon nga si Lea Salonga sa pag-perform kaupod sa longtime favorite sang kabataan nga “Sesame Street” kadungan sang Thanksgiving Day Parade sa New York City sa Estados Unidos sang Amerika.
Bisan maulanon, madinalag-on nga napakita kag napabati sang Filipina theater star ang rendition sang “Sing” kaupod sa characters kaangay kanday Big Bird, Elmo, Oscar the Grouch, Cookie Monster, Ernie, kag iban pa.
Gintawag man sang Tony-award-winning singer nga espesyal ang amo nga gab-i.
“No, it wasn’t a sunny day, and it would’ve been great if the clouds were swept away, but today’s @macys Thanksgiving Day Parade was still such a wonderful highlight!” post sini sa iya Instagram page.
“Thank you, @sesamestreet, this was truly very special, and thank you for plastering the biggest smile on my child’s face. Nic (Lea’s daughter) will not be able to erase that smile for a while!” dugang sini.
Sini lang nga Nobyembre sang gin-release sang Pinay singer ang holiday album nga “Sounding Joy” kun sa diin nalakip ang collaboration kay Clay Aiken.
Sini man nga 2024, napilian man si Lea nga ikaapat nga Pinoy nga ginhimuan sang wax figure sa prestiyoso nga Madame Tussauds.
Nahibaluan nga sang 1993, may guest appearance man si Lea sa Sesame Street. Sang amo nga tion, bag-o lang sini nadag-an ang Tony Award sa Miss Saigon bilang Best Lead Actress in a Musical.#
