Kilalahon ang Tony Award-winning actress kag Filipina Broadway star nga si Lea Salonga sa 91st Annual Drama League Awards sa New York City.
Pagabatunon sini ang Distinguished Achievement in Musical Theater Award sa Mayo 16.
Isa ka celebrated figure si Lea sa theater community indi lamang sa Pilipinas kundi mangin sa luwas sa pungsod. Natabo ang iya Broadway debut sang 1991 nga amo man ang tuig sa iya Tony-winning performance bilang Kim sa Miss Saigon.
Diri sa awards ceremony, ginaselebrar ang kaangay sini nga outstanding achievements sa teatro. Featured diri ang seven competitive categories magluwas pa sa special citations.
Dugang sa sini nga pagkilala, balantayan man si Lea sa highly anticipated spring 2025 transfer sang Stephen Sondheim revue nga Old Friends.
Magabalik man siya bilang The Witch sa upcoming production sang Theatre Group Asia sang Into the Woods nga maga-premiere sa August sa Performing Arts Theater sa Pilipinas. Ini ang una nga role ni Lea sa iya pagbalik sa Philippine musical stage matapos ang anum ka tuig man nga pagpahuway.
