Magatestigo ang anay Police Colonel nga si Royina Garma sa kaso ni anay President Rodrigo Duterte sa International Criminal Court (ICC).
Santo ini sa ginsapubliko ni former Senator Antonio Trillanes IV.
Nahibaluan nga una na nga nag-atubang si Garma sa quad committee ukon quad-comm sang Kamara nahanungod sa implementasyon sang ginatawag nga “Davao Model” ukon ang Sistema kun sa diin may padya nga ihatag sa pagpatay sa suspected drug personalities.
Ginpahayag man ni Trillanes nga wala pa sang klaro kon ano ang mangin kaundan sang testimonya ni Garma apang makabulig ini sa imbestigasyon nahanungod sa extrajudicial killings sa Pilipinas.
Magluwas kay Garma, ang mga ginhingadlan nga hitman nga sanday Edgar Matobato kag Arturo Lascañas magatestigo man sa ICC.
